🏡അയ്യപ്പൻകോവിൽ🏡 Ayyappan kovil hanging bridge | ayyappancoil | idukki - Route Map

.
യാത്രികരെ ഇതിലെ ഇതിലെ..കേരളത്തിന്റെ ടൂറിസ്റ്റ് ഭൂപടത്തിൽ അടയാളപ്പെടുത്താത്ത നിരവധി സ്ഥലങ്ങളുണ്ട് പ്രകൃതിസൗന്ദര്യം കൊണ്ടും കാലാവസ്ഥയിലെ പ്രത്യേകതകൊണ്ടും മനസ്‌കുളുർപ്പിക്കുന്ന നിരവധി പ്രദേശങ്ങൾ.ഇടുക്കി ജില്ലയിൽ തന്നെ കാലാകാലങ്ങളായി വിദേശികളും,സ്വദേശ്ശികളും അടങ്ങുന്ന സഞ്ചാരികൾ ടൂറിസ്റ്റ്മാപ്പിൽ ഉള്ള പേരുകേട്ട പ്രദേശങ്ങളായ മൂന്നാറും,തേക്കടിയും മാത്രം വന്നുകണ്ടു മടങ്ങുന്നവരാണ്.

എന്നാൽ എപ്പോൾ ഇവിടങ്ങളിൽ പ്രേത്യേകിച്ചു കാഴ്‌ചയുടെ വിരുന്നൊന്നുമില്ല താനും.സഞ്ചാരികളുടെ കൂട്ടം നടന്നു പരുവപ്പെടുത്തി ചുവന്ന മണ്ണും,ഉയർന്നതോതിലുള്ള പൊടിപടലങ്ങളും അന്തരീക്ഷ മലിനീകരണവും വേനൽകാലമാണെങ്കിൽ നാട്ടുമ്പുറത്തേക്കാൾ കടുത്തചൂടും.
 
.

ഈ തവണ നാട്ടിൽ വന്നപ്പോഴാണ് സ്വന്തം നാടായ കട്ടപ്പനയുടെ ഇത് വരെ കാണാത്ത മനോഹരമുഖം തെളിഞ്ഞു കണ്ടത്.മനോഹരമായ കാലാവസ്ഥകൊണ്ടും,കുറഞ്ഞ ചിലവിലുള്ള എന്നാൽ ലോകോത്തര നിലവാരമുള്ള താമസ സൗകര്യങ്ങൾ കൊണ്ടും,തെല്ലഹങ്കാരത്തോടെ തന്നെപറയാവുന്ന കേരളത്തിലെ ഏറ്റവും മികച്ച നോൺ വെജിറ്റേറിയൻ വിഭവങ്ങൾ കൊണ്ടും (നിങ്ങൾ ഒരിക്കലെങ്കിലും കട്ടപ്പനയിൽ നിന്ന് ഭക്ഷണം കഴിച്ചിട്ടുണ്ടെങ്കിൽ അത് സമ്മതിക്കേണ്ടി വരും) ഏതുരാത്രിയിലും ഭയക്കാതെ ഇറങ്ങിനടക്കാവുന്ന സ്ഥലം എന്ന പ്രത്യേകത കൊണ്ടും.സുഗന്ധവ്യഞ്ജനങ്ങളുടെ പറുദീസാ എന്ന നിലയിലും കട്ടപ്പന യാത്രികരുടെ സവിശേഷ ശ്രദ്ധ പിടിച്ചുപറ്റും എന്ന കാര്യത്തിൽ സംശയമില്ല.
.
കട്ടപ്പനയിൽ വന്നു താമസിച്ചു കൊണ്ട് കാണുവാൻ പറ്റുന്ന മനോഹരമായ സ്ഥല.

 അയ്യപ്പൻകോവിൽ : 👉ഒരുകാലഘട്ടത്തിൽ ഹൈറേഞ്ചിലെ പ്രധാന നഗരം ആയിരുന്ന പ്രദേശം,ഇവിടുത്തെ തൂക്കുപാലവും,വെള്ളത്താൽ ചുറ്റപെട്ടുകിടക്കുന്ന ആദ്യകാല അയ്യപ്പൻകോവിൽ ക്ഷേത്രവും,മുരിക്കാട്ടുകുടി വഴി ഇവിടെയെത്തിയാൽ കിട്ടുന്ന ശുദ്ധവായുവും കാടിന്റെ അന്തരീക്ഷവും ഒരു മൂന്നാറിലും കിട്ടില്ലെന്നുറപ്പിച്ചു പറയാം.വലിക്കുന്ന ചങ്ങാടയാത്രയും കഴിഞ്ഞു വള്ളത്തിൽ കൊച്ചീടുക്കി വരെപോയി മനസ് നിറഞ്ഞ സന്തോഷവുമായി നിങ്ങൾക്കു ഇവിടെനിന്നും മടങ്ങാം കട്ടപ്പനയിൽനിന്നും 14 കിലോമീറ്റർആണ് ഇങ്ങോട്ടുള്ള ദൂരം.