🏡കാപ്പി മല🏡വൈതൽ കുണ്ട്🏡 Kappimala Waterfalls - Paithalmala - vaithal kund Waterfalls - Route Map

 
 കണ്ണൂർ, തളിപ്പറമ്പ് വഴി 43 കി.മീ സഞ്ചരിച്ചാൽ ആലക്കോട് ഗ്രാമത്തിൽ എത്താം,
അവിടെ നിന്നും വലത്തോട്ട് തിരിഞ്ഞ് 8 കി.മീ യാത്ര ചെയ്ത് കഴിയുമ്പോൾ ' റിവേർസ് മുക്ക് ' എന്ന സ്ഥലത്ത് ഒരു കുരിശ് പള്ളി കാണും.
.

അവിടെ നിന്നും വലത്തോട്ട് 2 കി.മീ സഞ്ചരിച്ചാൽ ആദ്യം കാണുന്ന (വലത് ഭാഗത്ത് )
മണ്ണിട്ട റോഡിന്റെ അരികിൽ വണ്ടി നിർത്തി, കാൽനടയായി 500 മീറ്റർ നടന്നാൽ പ്രകൃതി സുന്ദരമായ 'വൈതൽ കുണ്ട് 'ൽ എത്തിച്ചേരാം.


.
പൈതൽമലയിൽ നിന്നും ഉൽഭവിച്ച് വൈതൽ കുണ്ടിലേക്ക് പതിക്കുന്ന വെള്ളച്ചാട്ടം അതി മനോഹര കാഴ്ചയാണ്. സ്വകാര്യ വ്യക്തികളുടെ പറമ്പിലൂടെ ഒഴുകുന്ന ചെറിയ ചെറിയ അരുവികളും,
കൃഷിയിടങ്ങളും കണ്ടു കൊണ്ടുള്ള കാൽനടയാത്ര ഒരു അനുഭവം തന്നെയാണ്.
(ഇതുവഴി ജീപ്പുകൾ സഞ്ചരിക്കാറുണ്ടെങ്കിലും ഉരുൾപൊട്ടൽ കാരണം റോഡ് തകർന്നിരിക്കയാണ്)



കണ്ണൂർ ജില്ലയിലെ ഏറ്റവും കൂടുതൽ തണുപ്പുള്ളതും ഉയരം കൂടിയതുമായ സ്ഥലമാണ്
' കാപ്പി മല ' കർണ്ണാടകയുടെ ബ്രഹ്മഗിരി മലനിരകളുമായി അതിർത്തി പങ്കിടുന്ന മനോഹരമായ ഗ്രാമം.
.

'റിവേർസ് മുക്ക് ' ൽ നിന്നും ഇടത്തോട്ട് 4 കി.മീ സഞ്ചരിച്ചാൽ കാപ്പി മലയിലെത്താം.. നിരവധി വെള്ളച്ചാട്ടങ്ങളും, കോട മലനിരകളും, വീതി കുറഞ്ഞ റോഡിന്റെ ഇരുവശത്തും പൂത്ത് നിൽക്കുന്ന മഞ്ഞപ്പുല്ലുകളും ഈ ഗ്രാമത്തിന്റെ പ്രത്യേകതകളാണ്.
.


കാപ്പി മല, വൈതൽ കുണ്ട് കാഴ്ചകൾ പറഞ്ഞറിയക്കാൻ പ്രയാസമാണ്. കണ്ട് രസിക്കുക തന്നെ വേണം.
.
കണ്ണൂർ, തളിപ്പറമ്പ് എന്നിവിടങ്ങളിൽ നിന്നും ഒരുKRTC ഉൾപ്പെടെ സ്വകാര്യ ബസ്സുകൾ കാപ്പി മലയിലേക്ക് സർവ്വീസ് നടത്തുന്നുണ്ട്.
. 
വൈതൽ കണ്ടിലേക്ക് പോകുമ്പോൾ ഭക്ഷണം കരുതുന്നത് നന്നായിരിക്കും, കാരണം അതിലെ മനോഹര കാഴ്ചകൾ പെട്ടെന്ന് കണ്ട് തിരിച്ച് പോരാൻ ഒരു സഞ്ചാരിക്കും സാധിക്കില്ല. *മക്തബ്*