🏡കടമക്കുടി 🏡 (എറണാകുളം) Kadamakkudy in Ernakulam - Route Map

കടമക്കുടി എന്ന ഗ്രാമീണ സുന്ദരിയെ തേടി.
പണിമുടക്ക് ദിനത്തിൽ ഞാനും, റോഷനും, അമീനും നടത്തിയ കടമക്കുടി സ്കൂട്ടർ യാത്ര.
.
തിങ്കളാഴ്ച രാവിലെ ഉണർന്നത് 10.00 മണിക്കാണ് ഇന്നലത്തെ കൊട്ടാകമ്പൂർ യാത്ര കഴിഞ്ഞ് വന്നു കിടന്നതേ ഓർമ്മയുള്ളൂ എണീറ്റത് ഈ സമയത്ത്. പണിമുടക്ക് അല്ലെ കാറ് വിട്ടില്ലെങ്കിൽ എങ്ങനെ അമ്പലപ്പുഴ പോകും എന്ന് പറഞ്ഞിരുന്നപ്പഴാ അമീൻ പറഞ്ഞത് വണ്ടിയിൽ പെട്രോൾ ഫുള്ളാ എങ്ങോട്ടെങ്കിലും പോയാലൊ. വീട്ടിൽ എങ്ങനെ പറയും.
.
ഇന്നലെ രാത്രി കയറി വന്നു ഇന്ന് രാവിലെ വീണ്ടും കറങ്ങാൻ പോകും എന്ന്. ഞാൻ പറഞ്ഞു റെഡിയാകൂ എന്ന് ഉടൻ രണ്ടുപേരും റെഡിയായി ഫുഡും കഴിച്ചു 1 കുപ്പി വെള്ളവുമായി ഇറങ്ങി നേരെ മട്ടാഞ്ചേരി ബോട്ട് ജെട്ടിയിൽ വന്നു. പണിമുടക്ക് ബോട്ട് ഇല്ല. രണ്ട് കപ്പൽ വന്നു അവിടെ നിന്നും ഫോട്ടോകൾ എടുത്ത് നേരെ മറൈൻഡ്രൈവ് ലക്ഷ്യമാക്കി സ്കൂട്ടർ പാഞ്ഞു. വഴിക്ക് വച്ച് പ്ലാൻ മാറി കടമക്കുടി പോയാലൊ എന്ന്. എന്നാ വിട്ടോ എന്ന് മക്കൾ.
.

നേരെ ഗ്രോശ്രീ പാലത്തിന് കിഴക്കുവശം രാഞ്ജിപാതയിൽ പോയി ചീനവലയുടെ ഫോട്ടോ എടുത്ത് ഗ്രോശ്രീ പാലം കയറി കണ്ടെയ്നർ റോഡ് വഴി നേരെ മുളകുപാടം വന്ന് ഒരാളോട് വഴി ചോദിച്ചു. അയാൾ പറഞ്ഞു ഇതിലെ പോയാൽ രണ്ട് ജങ്കാർ കയറണം അത് കൊണ്ട് ചേരാനല്ലൂർ ചെന്ന് ഇടത്തോട്ട് പോയി വാരപ്പുഴ പാലം കഴിഞ്ഞ് ഇടത്തോട്ട് പോയി ഇടത് വശം വഴി ചോദിച്ചു പോകാൻ അങ്ങനെ ഞങ്ങൾ കടമക്കുടി വന്ന് അകത്തേയ്ക്ക് കയറി. എല്ലാവരും പറഞ്ഞപോലെ അല്ല. എല്ലാവരും പറഞ്ഞത് രാവിലെ അല്ലെങ്കിൽ വൈകിട്ട് പോകണം എന്നാണ്.
.
നട്ടുച്ചയ്ക്ക് കടമക്കുടി അതീവ സുന്ദരിയായി തോന്നി. ഇപ്പോൾ ചെമ്മീൻ ആണ് കൃഷി. അല്ലാത്ത സമയ്‌ നെല്ലും. നേരെ ആദ്യം കടമക്കുടി ടു ചാത്തനാട് ഫെറി വന്നു അവിടെ പാലം പണി നടക്കുന്നു. പാലം വന്നാൽ പറവൂർ പോകാൻ അവർക്ക് 12 കിമീ മതി എന്ന് ഒരു നാട്ടുകാരൻ പയ്യൻ പറഞ്ഞു. തിരിച്ച് വീണ്ടും എതിലെ പോയാലും കടവിൽ വരും തിരികെ കടമക്കുടി വന്നുകറങ്ങി കടമക്കുടി ടു പാലിയംതുരുത്ത് ഫെറിയിൽ വന്ന് കടത്തു കടന്ന് ചെമ്മീൻ കെട്ട് വഴി പിഴാല സൗത്ത് നോർത്ത് ഫെറിയിൽ വന്നു. അവിടെയും പാലം പണി നടക്കുന്നു.
.
ഫെറി കടന്ന് മൂലമ്പിള്ളി നോർത്തിൽ വന്ന് കണ്ടെയിനർ റോഡ് വഴി തിരികെ. 4.00 മണിക്ക് കൊച്ചിയിൽ എത്തി. ആകെ കറങ്ങിയത് 70 കിമീ.
ഇനി ഫോട്ടോകൾ പറയും കടമക്കുടിയുടെ സൗന്ദര്യം. ഒരു ദിവസം അടിച്ചു പൊളിക്കാൻ എല്ലാ സഞ്ചാരികളേയും സ്വാഗതം ചെയ്യുന്നു.